الشعر الشعبي

أصعب حاجة فراقك

مش بس هيقطّع فيا غرامك
ده كويني حزنك وعذابك
لما كان الموت بيقرب منك
وأنا مش داري
ولا إحساسك بيا
ساعة الشوق ما يلعب بيا
تاخديني في حضنك
وتداري آلامك
أصعب حاجة فراقك

هفتكر الفرحة في عنيكي
تنوّر جوه في قلبي
وأنا بنادي عليكي
من لهفة حب طايرة بجناحين
وسط الصحبة تجري عليا
وتقولي هقبلك فين
وأنا اهو كلي أدامك
أصعب حاجة فراقك

فاكر مرة حلمك ليا
إني هسافر بعيد وانساكي
وإنك أكيد مش واثقة فيا
وخدك التيه على فين وداكي
ودموعك وانتي بتحكي
سابقة كلامك
ورب الكون ماهلاقي حنانك
أصعب حاجة فراقك

السابق
أرضٌ
التالي
تموضع

اترك تعليقاً