الشعر الشعبي

دعوة ثورة

قوم يا عم إمام وأذن
وإدعِ ربك إنه يأذن
صوتك الحي لسة باقي
دوزن العود يلا دندن
قوم ياعم إمام وأذن
شيخنا ياسيد
قول من قلبك
نادي يا مصري
حرر بلدك
إمسح عارك
إرسم مجدك
متخليش من بعدك يحزن
قوم ياعم إمام وأذن
عمنا بيرم يا تونسي
كلمتك ضهري وونسي
ينقلوها ألف عاشق
يطربوها مية مُلحن
قوم ياعم إمام وأذن
قول ياعم سرور يا غاوي
سب دينهم ف الغناوي
لسة باقي فيه حكاوي
سلم الراية إوعى تركن
قوم ياعم إمام وأذن
فوق يا فاجومي
قوم من قبرك
قول يا بهية
قرب فرحك
والزفة على إيد أولادك
كلمتهم دايما بقيالك
وف ليلتك هيهل هلالك
وهننشر فرحتنا ونعلن
قوم ياعم إمام وأذن

السابق
مداد
التالي
مجازر أمام الأعين

اترك تعليقاً