الشعر الشعبي

دمّك دمي

دمّـــك دمــــي
همّـــــك همّــي
ده كلام مجانين ف بطون روايات
ومعدش يهــمّ
صرخة مدبوح ونواح نساوين
ومعدش يهــــم ….
اهو كـلّه ممــــــات!!!!!!!!!
ميت عايش ف قلوب ملايين
عايش ميت مبسوط بالدم……
…ومعدش يهمّ !!!!!
حلم الكتـــاكـــــيت
العيد زغاريت
ردّة وفتافيت تزعق بالســـمّ
وقلعتي سوادك ياصبية
ولبستي بياض توب الزفة
ونسيتي ياسينك يابهية
ايه فاضل لسة ونبكي عليه
حطيتي الكون كله ف كفة
والكعكة المرة على كفة
وانت يا مرخي
قاعد ترخي وترخي وترخي
ازّاي هتبصّ ف عين ولدك ..؟؟؟…
ازاي هيصدق انك ابوه ؟؟؟؟
واهو مهما تحدّق ف الضــلّة
وتدسّ قرونك ف الرملة……أيام وسنين
وتدلدل روحك – يا مدلدل – لجميع الخلق
النار هتطولك هتطولك وهتشبع حرق
وساعتها لاهتلاقي معـونة
ولا هتصادف ريحة الشــــهدا
ولا هتصاحب غير الرجفة جوة الزنازين
اصلب طـــولك يللا يا مرخي

السابق
التسرع في النشر مقصلة للإبداع
التالي
خرقٌ

اترك تعليقاً