الشعر الشعبي

عيد مبارك عيد سعيد

ع القريب والبعيد
ع الحبايب والقرايب والصحاب
ع اللي ماشي واللي راكب
واللي مكتوب ف الكتاب
ع اللي سافر بره بلده
وحس انه إنسان غريب
ع المهندس والمزارع
والمدرس والطبيب
ع اللي سهران ع الحدود
ع اللي يحمي الفرحة جوه
القلوب الطيبة
ع اللي زارع أرضه عيد
م الحسين للسيدة
ع اللي عايشين ف السويس
والقنال أرض الفدا
والصعيد أرض الجدود
اللي كايدين العدا
ع اللي قلبه بفتة بيضة
ع المسامح والكريم
ع اللي ديما يشكر ربه
واللي يدعي إله عظيم
ع اللي يعطف ع اليتامي
ع اللي صلي ع الرسول
ع اللي سلم ع المسيح
واللي بارك ع الكليم
عيد مبارك عيد سعيد
ع القريب والبعيد
مصر بلد الطيبين
مصر فيها احلي قلب
مصر ناسها قريبين
مصر جنة ونيل وشعب

السابق
الرحيل
التالي
ثيمة التٱزيم ميلس بوحفص

اترك تعليقاً