الشعر الشعبي

ما تبكيش يابا

امسح دموعك يابا
أرجوك ما تبكيش
احنا مش في زمن الصحابا
ولا زمن الطيبين ،
ولا زمن الدرويش
احنا في زمن الديابا
والغابة ، والوحوش
زمن اللي ما بيرحموش
زمن الكل فيه يابا
لابس على الوش وشوش
والغش والتبكيش ،
حلق ، حوش ،
والحراميا المجرمين
سرقوا قوتنا يابا ،
وعمرنا ، وحلمنا
أصبح ( ما فيش )
وكان حلمنا ، نعيش
زي البنأدمين ،
ناكل لقمتنا بكرامه
ونعيش مسترين ،
لا نمد لحد إيدينا
ولغير ربنا ما نطاطيش
حتى اللي افتكرناهم حاجة
طلعوا ولا حاجة ، ما فيش ،
طلعوا فنكوش ، فآنكوش ،
اولاد حلق خوش ،
وحنا غلابا يابا
والهدوم عادة ما بدريـش
حتى البيوت صبحت ما فيـش
والعين بصيرة والايد قصيرة
لالينا جنحات ، ولا لينا ريش
بس احنا يابا بنام برغم الجوع
وهم ما بينموش
احنا يابا بنعرف ربنا ،
وهم ما بيعرفوش
صدقني يابا ، حبيبي ،
الدنيا واللي فيها ،
كلها على بعض كده ما تسويش
يابا ، حبيبي ، ارجوك ، ما تبكيش
لو نسينا الخلق ،
يابا رب الكون ما بينساش
فأرجوك امسح دموعك
ارجوك يابا ما تبكيش
وما تبكيش

السابق
قَصَاص
التالي
زهايمر

اترك تعليقاً