ادخل حاتم كارت البنك الذي يستعمله لصرف مرتبه في الماكينه و ادخل البيانات ثم ضغط الرقم المعتاد….تلات الاف جنيه …اخرجت الماكينه النقود و الايصال…و كعادته عند استلام اي نقود قام بعدها ….فاذا بها تلات الاف و ميه جنيه ….اعاد العد …تلات الاف و ميه ….نظر الي الايصال …تلات جنيه فقط….اتكون الماكينه اخطات…كيف و المكن لا يخطئ…..اذا لابد من مشوار للبنك و رد الزياده و تنبيههم لما حدث حتي لا يتكرر….لكنه تذكر كيف كان مدير البنك سمجا عندما وصلت البطاقات الجديده لكل زملائه و لم تصله هو ….و كان رد المدير ارسلنا البطاقات للكل و مش ذنبي ان بتاعتك ضاعت ….و بالتالي كان علي حاتم ان يقدم طلب اصدار بدل فاقد لم يفقده كلفه 18 جنيه و تاخير صرف مرتبه تلات اسابيع …و لما اشتكي له ان البطاقه القديمه كان لسه فيها سبعه جنيه و نص قاله اعتبرهم وقعوا منك او ضاعو……….مين ده اللي يروح البنك يقولهم …ابدا دي فلوس رجعت لصحابها و بالفوايد…بس مش ممكن اوكل عيالي من حرام …اروح البنك و اردهم و خلاص
-وصل حاتم منزله و افرغ جيوبه علي طاوله حجره النوم الصغيره…و بينما هو في افكاره اتت زوجته و قالت انا اخدت متين جنيه من التلاتلاف جنيه اللي علي الترابيزه
-تلات الاف انتي عديتيهم
-اه ,,,وكان في ورقتين بخمسين وسط الميات
-ورقتين بخمسين ……..بس …المكن مبيغلطش …و انا اللي بقالي ساعتين باضرب اخماس في اسداس…..منه لله مدير البنك ادي الشيطان سكه يلعب في دماغي