اتصل بي من أسبوع و توسلني:قولي لبيي والله بطلت الدخان و تدربت عالبارودة منيح … بتذكري لما كنت اسرق بارودة الصيد و يجن جنونو ويقول انت ولد بتأذي حالك واذا بتاخدها مرة تانية بدي اسلخ جلدك عن عظمك. بتذكري لما يفيق الصبح و يدور عالجرابات وكون انا لابسن …بتذكري لما حط بابريق الشاي سكر و هو معو سكري واشرب وقول هي الشاي الطيبة…
يرحم بيك: جيبيه وتعو عالتخرج والله انا صرت غير و راح يفتخر فيني و راح ارفع راسو كل العمر انا بعرف انه كان يحلم يشوفني ضابط و معلق نجمة.
يا أمي: والله بيك بيعمل حالو قاسي معك حتى بخليك رجال بس ما بتعرف كل يوم كم مرة بيدخل ع غرفتك بيشيل تيابك بيشمهن و بيبكي ولما بيقلي عملي شاي بيصب كاسة و بيعبيها سكر و بيقول هي للغالي.
البارودة كل يوم بينظفها و بيرجعها محلا و بيقول هي للغالي اكيد صار احسن قناص بالجيش العربي السوري. وكل يوم بيعد الساعات حتى يشوفك معلق النجمة و يروح معك عالسوق وع نادي الضباط و يتمشى معك وانت لابس البدلة وع كتافك النجمة.
والله ريحتيني يامو: يعني بيي رضيان عليي.
يا أمي: ان شاء الله الارض والسما ترضى عليك.