فى يوم من ايام الربيع الجميله خرجت من البيت وكلى نشاط وطاقه إيجابية لإحضار لوازم البيت الغير موجوده وفى طريقى توقفت عند الكهربائي لشراء بعض الاشياء وكان بجواره محل بيع وجبات جاهزة وسندوتشات المطعم الحقيقة صغير جداً في منطقة طالون بحى السيده زينب وكان يبيع سمك وجمبرى المهم أثناء انتظارى طلبى عند الكهربائى دخل رجل وقال لصاحب مطعم السمك جعان عندك وجبه اكلها قاله أيوة عندى حالا تكون جاهزة اخد الطعام ومشى رد الكهربائى قاله الراجل ده بيستغلك ده عنده عماره رد فى منتهى الثابت وقاله ولو عنده حى كامل بعماراته ومحلاته وجانى وطلب مني الاكل هديله ده مش اللى ببعتله رزقه ده ربنا بعتله رزقه وهياخدوا يوصلوا حتى ولو قبره يا أخي العزيز! فقالته وانا نازله من سياراتى امامه وكانت موديل جديد الحقيقة وقالتله انا جعانه ومش معايا فلوس اشترى اكل الراجل بدون تردد الحقيقة جرى احضر لي سندوتش سمك وعلبه سلطه وجرى ورايا لباب السياره وقالى اتفضلى بالهنا والعافيه على صحتك الحقيقة اندهشت جدا من الرجل هو فتحه ياكل منه ولا فتحه سبيل لوجه الله تعالى! قولتله انا مش جعانه بس حبيت أشوف رد فعلك منى هيكون زى صاحب العمارة ولا فى اختلاف رد وقالى يا بنتى كلنا بنتسول من ربنا الحقيقة زاد دهشتى من الرجل جدا وطلعت فلوس من معايا وقولتله ممكن اشارك مع حضرتك زعل جدآ وقالى أنت عايزة تسرقى من الخير اللى بعمله قولتله ممكن تمنحنى فرصه المساهمه في الخير وكمان مش هقدر اخد الاكل أن شبعانه قالى يابنتى لما يجيلك صدقه ماترديها يابنتي اللقمه الصادقه تمنع المرض وتشفي العليل وتجعل قلبك يحنو على الفقير وعلمت وقتها أنى لا اتعامل مع رجل عادى لأنه علمنى درس أن لا قيمه للمال دون قلب ودون حب للخير وهكذا كانت قصتى مع صاحب المطعم.